बझाङमा शंकास्पद वस्तु भेटियो

३० वैशाख, बझाङ । बझाङको जयपृथ्वी नगरपालिका वडा नम्बर १ स्थित नारायण मावि पिमी कैलाश मतदान केन्द्रमा शंकास्पद वस्तु भेटिएको छ ।

प्रेसकुकर बम जस्तो देखिने उक्त शंकास्पद बस्तु निष्कृय पार्न विरभद्रजंग गुल्म पानकोटबाट नेपाली सेनाको टोली परिचालन गरिएको बझाङ प्रहरीले जनाएको छ ।

बुंगल ८ पिजली भन्ने ठाउँमा महादेव मावि अठपाली मतदान केन्द्र जाने बाटोमा पनि रङको बट्टा जस्तो शंकास्पद बस्तु भेटिएको छ । त्यहाँ पनि नेपाली सेना परिचालन गरिएको छ ।