सांसद यादव मतगणना स्थलभित्र प्रवेश गरेपछि वीरगञ्जमा प्रदर्शन

३० वैशाख, वीरगञ्ज । वीरगञ्ज महानगरपालिकाको मतगणना स्थलभित्र सांसद प्रदिप यादव प्रवेश गरेको विरोधमा प्रदर्शन भएको छ ।

सांसद यादवलाई मतगणनास्थलबाट बाहिर निकाल्नुपर्ने माग राखेर मतगणना स्थल बाहिर प्रदर्शन भएको हो ।

मतगणना स्थल रहेको वीरगगञ्ज–१४ पिपरास्थित नृसिंह माविको भवन बाहिर अहिले पनि एमालेका कार्यकर्ताहरुले प्रदर्शन गरिरहेका छन् ।

राजनीतिक दलका जनप्रतिनिधि आउन ढिलाइ भएपछि शनिबार दिउँसो पौने ३ बजे मात्रै वीरगञ्जमा मतगणना सुरु भएको हो ।