काठमाडौं-३२ को स्थगित मतगणना पुन: सुरु

२ जेठ, काठमाडौं । काठमाडौं महानगरपालिका वडा नम्बर ३२ को मतगणना पुन: सुरु भएको छ ।

सोमबार विहान मत गणना भइरहेका बेला नेकपा एमाले  र सत्तारुढ दलका प्रतिनिधिबीच विवाद भएपछि मतगणना स्थगित भएको हो । दलका प्रतिनिधिबीच केहीबेर चर्काचर्की भएपछि धेरै संख्यामा सुरक्षाकर्मी परिचालन गरिएको थियो ।

विवाद भएको वडा सदस्यको मत पुन: गन्ने सहमति भएपछि मतगणना सुरु भएको छ ।