सर्लाहीको बलरा नगरपालिकाको मेयर र उपमेयर दुवैमा माओवादी केन्द्र विजयी

३ जेठ, काठमाडौं । सर्लाहीको बलरा नगरपालिकाको मेयर र उपमेयर दुवैमा नेकपा माओवादी केन्द्रका उम्मेदवार विजयी भएका छन् । मेयरमा रामाशंकर प्रसाल कुशवाहा र उपमेयरमा कोशिला देवी निर्वाचित भएका हुन् ।

कुशवाहाले ४ हजार ६४३ मत ल्याउँदा उनका निकटतम् प्रतिस्पर्धी लोकतान्त्रिक समाजवादी पार्टीका अभयकुमार सिंहले ३ हजार ६३१ मत पाए ।

यस्तै उपमेयरमा निर्वाचित कोशिला देवीले ४ हजार ३५१ मत ल्याइन् भने उनकी निकटतम् प्रतिस्पर्धी लोसपाकी रागनी देवीले ३ हजार ७४० मत प्राप्त गरिन् ।

बलरामा २०७४ सालको स्थानीय तहको निर्वाचनमा मेयर र उपमेयर दुवै पदमा नेपाली कांग्रेस विजयी भएको थियो ।