कैलालीको मोहन्‍याल गाउँपालिकामा गठबन्धनका उम्‍मेदवार निर्वाचित

४ जेठ, कैलाली । कैलालीको मोहन्‍याल गाउँपालिकामा गठबन्धनका उम्मेदवार विजयी भएका छन् ।

गाउँपालिकाको अध्‍यक्षमा गठबन्धनका तर्फबाट नेकपा माओवादी केन्द्रका देवीदत्त उपाध्‍याय र उपाध्यक्षमा नेपाली कांग्रेसका कमल बहादुर निर्वाचित भएका छन् ।

गाउँपालिकाको अध्‍यक्षमा एमालेका धरम बहादुर थापालाई ४ सयबढी मतले हराउँदै माओवादी केन्द्रका देवीदत्त उपाध्‍याय निर्वाचित भएका हुन् । उपाध्‍यायले ३ हजार १३४ मत ल्याउँदा एमालेका थापाले २ हजार ७१५२ मात्र मत ल्याए ।

यस्तै गाउँपालिको उपाध्‍यक्षमा एमालेकी सरस्वतीदेवी रावल विष्टलाई पराजित गर्दै कांग्रेसका कमल बहादुर साउँद निर्वाचित भएका हुन् । साउँदले ३ हजार ३३९ मत ल्याउँदा सरस्वतीले २ हजार ३०३ मात्र मत ल्याए ।