गुल्मीमा मृत अवस्थामा चितुवा भेटियो

२२ जेठ, गुल्मी । गुल्मीमा छत्रकोटमा चितुवा मृत अवस्थामा फेला परेको छ ।

जिल्लाको छत्रकोट गाउँपालिका वडानम्वर–३ लूम्छामा खरबारीमा मृत अवस्थामा चितुवा फेला परेको जिल्ला प्रहरी कार्यालय गुल्मीका प्रहरी नायव उपरीक्षक (डीएसपी) माधवराज खरेलले जानकारी दिए ।

चितुवा के कारणले मरेको भन्ने खुलेको छैन । इलाका वन कार्यालय रिडीको टोली सो स्थानमा पुगि अनुसन्धान गरिरहेको डिभिजन वन कार्यालय गुल्मीका प्रमुख प्रभात सापकोटाले बताए ।

मृत अवस्थामा फेला परेको चितुवालाई कसैले मारेको वा आफैं मरेको भन्ने बारेमा अनुसन्धान भइरहेको छ ।