एमालेको युवा तथा खेलकुद विभागले बेरोजगारीबारे कार्यशाला आयोजना गर्ने

२५ जेठ, काठमाडौं। नेकपा एमालेको युवा तथा खेलकुद विभागले श्रम, उत्पादन र बेरोजगारीबारे राष्ट्रिय कार्यशाला आयोजना गर्ने भएको छ ।

बुधबार एमाले पार्टी कार्यालय च्यासलमा बसेको विभागको प्रथम बैठकले साउन दोस्रो हप्ता राष्ट्रिय स्तरको कार्यशाला आयोजना गर्ने निर्णय गरेको विभाग प्रमुख लिलबहादुर थापाले जानकारी दिए ।

त्यस्तै युवा तथा खेलकुद क्षेत्रसँग सम्बन्धित नीति निर्माण गर्नका ७ सदस्यीय कार्यदल समेत गठन भएको थापाले बताए।

एमाले महासचिव शंकर पोखरेलको उपस्थिति र विभाग प्रमुख थापाको अध्यक्षतामा बसेको विभागको बैठकमा नव नियुक्त विभाग सदस्यहरुलाई पथ तथा गोपनीयताको सपथ समेत खुवाइएको थियो ।