+
+

टिजर रिलिज गर्दै नेटफ्लिक्सले घोषणा गर्‍यो ‘स्क्विड गेम’को दोस्रो सिजन

अनलाइनखबर अनलाइनखबर
२०७९ जेठ ३० गते ११:३८

काठमाडौं । नेटफ्लिक्सको चर्चित सिरिज ‘स्क्विड गेम’को दोस्रो सिजन निर्माणको घोषणा भएको छ । स्ट्रिमिङ प्लेटफर्म नेटफ्लिक्सले आइतबार राति सांकेतिक टिजर सार्वजनिक गर्दै यसबारे जानकारी दिएको हो ।

भिडियो सन्देश जारी गर्दै सिरिजका कार्यकारी निर्माता वाङ डोङ ह्युकले कुन चरित्र सिरिजमा फर्कने र को नफर्कनेबारे उल्लेख गरेका छन् ।

उनले भनेका छन्, ‘स्क्विड गेमको पहिलो सिजन बजारमा ल्याउन १२ वर्ष लागेको थियो । तर नेटफ्लिक्समा सबैभन्दा बढी हेरिने सिरिज बन्न यसलाई १२ दिन पनि लागेन,’ वाङले भनेका छन् ।

वाङले लेखक, निर्देशक र निर्माताको रुपमा दर्शकलाई धन्यवाद समेत दिएका छन् । उनले भिडियो सन्देशमा सिरिजको दोस्रो भागको कथा कसरी अघि बढ्नेछ भनेर संकेत पनि दिएका छन् ।

वाङका अनुसार सिरिजका हिरो र भिलेन दुवै दोस्रो सिरिजमा पनि देखिनेछन् । सिरिजको दोस्रो भाग सन् २०२३ को अन्त्यतिर आउनेछ । थुप्रै अवार्ड जितेको यो सिरिजलाई जुलाई १२ मा हुने एम्मी अवार्डका लागि पनि प्रमुख दाबेदार मानिएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?