+
+

सन्तोष पन्तको ‘हिजोआजका कुरा’ असोज २८ मा आउने

अनलाइनखबर अनलाइनखबर
२०७९ जेठ ३० गते १६:१२

काठमाडौं । कुनैबेलाको चर्चित टेलिभिजन सिरियलमा आधारित फिल्म ‘हिजोआजका कुरा’को प्रदर्शन मिति तय भएको छ । फिल्म असोज २८ मा रिलिज हुने निर्माता तथा अभिनेता सन्तोष पन्तले जानकारी दिए ।

‘हामीले दशैंलगत्तै र तिहारअघिलाई प्रदर्शन मितिको रुपमा तय गरेका छौं,’ पन्तले अनलाइनखबरलाई भने, ‘सकेसम्म नेपाल र विदेशमा एकसाथ प्रदर्शन गर्नेतर्फ हाम्रो जोड हुनेछ ।’

फिल्मले यसअघि २०७७ वैशाख १२ गते प्रदर्शन मिति तोकेको भए पनि कोरोना संक्रमण रोकथामका लागि निषेधाज्ञा जारी हुँदा प्रदर्शन अनिश्चित बनेको थियो । महामारी प्रभावित यो फिल्मको प्रदर्शन बल्ल तय गरिएको हो ।

निर्देशक साकार पन्तले हिजोआजका कुराका दर्शकसँग जोडिन आफूहरु आतुर रहेको बताए । उनका अनुसार ड्रामा र कमेडीको मिश्रण (ड्रामेडी) विधामा फिल्म बनेको छ । नेपाली समाजमा हुने दैनिक घटनाक्रमलाई फिल्ममा चित्रण गरिएको उनले बताए ।

फिल्ममा सन्तोषसहित रमा थपलियाको मुख्य भूमिका छ । केकी अधिकारी, ऋचा शर्मा, रीमा विश्वकर्मा, दिव्यदेव पन्त लगायतको पनि फिल्ममा अभिनय छ । असोजमा दीपकराज गिरीको नयाँ फिल्म, परदेशी २ र प्रेमगीत ३ समेत प्रदर्शन हुने तयारीमा छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?