हिमालयन जनरल र एभरेष्ट बिमा कम्पनी मर्जरलाई अन्तिम स्वीकृति

१० असार, काठमाडौं । हिमालयन जनरल र एभरेष्ट इन्स्योरेन्स कम्पनीले अन्तिम मर्जर स्वीकृति पाएका छन् ।

शुक्रबार बीमा समितिले यी दुई कम्पनीलाई अन्तिम स्वीकृति दिएको बीमा समितिका प्रवक्ता राजुरमण पौडेलले बताए ।

‘शुक्रबार हामीले दुई कम्पनीलाई मर्जरका लागि अन्तिम स्वीकृति दिएका छौं,’ प्रवक्ता पौडेलले भने, ‘अब कम्पनीले एक महिना भित्रै सबै प्रक्रिया पुरा गर्नुपर्ने छ ।’

गत वैशाख २३ गते दुइ कम्पनीबीच मर्जर सम्झौता भएको थियो । ‘हिमालयन एभरेष्ट इन्स्योरेन्स लिमिटेड’ को नामबाट एकीकृत कारोबार गर्ने सम्झौता कम्पनीले गरेका थिए ।