३० असार, काठमाडौं । प्रिमियर लिग क्लब चेल्सीले इंग्ल्यान्डका विंगर रहिम स्टर्लिङलाई अनुबन्ध गरेको छ । चेल्सीले बुधबार स्टर्लिङलाई प्रिमियर लिग च्याम्पियन म्यानचेष्टर सिटीबाट ५० मिलियन युराेमा अनुबन्ध गरेकाे हाे
चेल्सीले २७ वर्षीय स्टर्लिङसँग पाँच वर्षको सम्झौता गरेका छ । सम्झौता थपका लागि विकल्पसमेत दिइएको छ ।
सिटीले सन् २०१५ मा लिभरपुलबाट स्टर्लिङलाई भित्र्याएकाे थियाे ।
सिटीमा ७ वर्ष बिताउँदा स्टरलिङले ३३९ खेलमा १३१ गोल गरेका छन् । सिटीमा उनले चार प्रिमियर लिग उपाधि जितेका थिए ।
गत सिजन उनले ३० प्रिमियर लिग खेलमा १३ गोल गरेका थिए ।
स्टर्लिङले आफूले करियरमा धेरै सफलता हात पारिसकेकाे बाँकी उपलब्धि चेल्सीबाट प्राप्त गर्न चाहेकाे बताएका छन् ।
स्टर्लिङले इंग्ल्यान्डका लागि ७७ खेल खेलेका छन् ।
टेड बाेएहलीले गत मे मा चेल्सीकाे स्वामित्व लिएपछि चेल्सीले अनुबन्ध गरेकाे स्टर्लिङ पहिलाे खेलाडी हुन् ।
प्रतिक्रिया 4