बायर्नले जित्यो जर्मन सुपर कप उपाधि

१५ साउन, काठमाडौं । बायर्न म्युनिखले आरबी लाइपजिगलाई ५-३ ले पराजित गर्दै जर्मन सुपर कपको उपाधि जितेको छ ।

शनिबार राति भएको रेड बुल एरिनामा भएको फाइनलमा बायर्नका लागि जमल मुसियाला, साडियो माने, बेन्जामिन पाभर्ड, जर्सी जिनाब्री र लरे सानेले एक एक गोल गरे ।

लाइपजिगका मार्सल हाल्स्टेनबर्ग, क्रिस्टोफर एनकुकू र डानी ओल्मोले एक एक गोल गरे ।

जर्मन बुण्डेसलिगाको नयाँ सिजनअघि लिग च्याम्पियन र जर्मन कपको विजेताबीच यो खेल हुँदै आएको छ ।

बायर्नले गत सिजन लिग जित्दा लाइपजिगले जर्मन कपको उपाधि जितेको थियो । बुण्डेसलिगाको नयाँ सिजन अगष्ट ५ मा सुरु हुने छ ।