काठमाडौंमा चिनियाँ नागरिक अपहरित, ६ पक्राउ

१९ साउन, काठमाडौं । काठमाडौंमा बुधबार साँझ एकजना चिनियाँ नागरिक अपहरित भएका छन् ।

अपहरणमा संलग्न ६ जनालाई जिल्ला प्रहरी परिसर, काठमाडौं र प्रहरी वृत्त दरबारमार्गको संयुक्त टोलीले पक्राउ गरेको छ ।

काठमाडौं प्रहरी प्रमुख एसएसपी भरतबहादुर बोहोराले चिनियाँलाई अपहरण गरेर नयाँ बसपार्कमा लगेको अभियोगमा उनीहरूलाई पक्राउ गरिएको अनलाइनखबरसँग पुष्टि गरे ।

उनले भने, ‘म्याद थप गर्दैछौं, त्यसपछि विस्तृत विवरण सार्वजनिक गर्छौं ।’ पक्राउ पर्नेहरू चाहिँ सबै नेपाली नागरिक हुन् ।

उनीहरूसँग एक करोड रुपैयाँ फिरौती मागिएको प्रहरीको भनाइ छ ।