गायिका सोना अमात्यले ल्याइन् तीजगीत ‘लगाउने हो फन्को’

काठमाडौं । गायिका सोना अमात्यले तीजगीत ‘लगाउने हो फन्को’ रिलिज गरेकी छन् । तीज नजिकिंदै जाँदा उनले आफ्नै युट्युब च्यानलमार्फत गीत सार्वजनिक गरेकी हुन् ।

गीतमा चन्द्रमणि भट्टराईको शब्द, डेनी निरौलाको संगीत र योगेशकाजीको एरेन्ज रहेको छ ।

नृत्य शैलीको गीतको भिडियोमा गायिका सोना, सुरक्षा भट्टराई, शालिनी भट्टराई, पूर्णिमा बानियाँ र शब्बु राना बम फिचर्ड छन् । भिडियोका निर्देशक तथा कोरियोग्राफर गम्भीर बिष्ट हुन् ।

नवराज उप्रेतीले खिचेको भिडियोलाई नवीन निरौलाले सम्पादन गरेका छन् ।