‘प्रेमगञ्ज’ प्रिमियरमा बेनिशा, सम्पदा र तेजको आकर्षण (तस्वीरसहित)

काठमाडौं । प्रेमकथामा आधारित फिल्म ‘प्रेमगञ्ज’को प्रिमियर स्क्रिनिङ गरिएको छ । वान सिनेमाज् मल्टिप्लेक्समा मंगलबार आयोजित प्रथम प्रदर्शनीमा कलाकार, निर्देशक, निर्माता, सञ्चारकर्मीदेखि फिल्मकर्मी सहभागी रहे ।

निर्देशक परिच्छेद सेन, कलाकारहरु तेज गिरी, बेनिशा हमाल, सम्पदा बानियाँ लगायत प्रिमियरमा उपस्थित रहे । सीमान्त उदास, दीपेन्द्र के खनाल, लय संग्रौला, नरेश पौड्याल लगायतका फिल्मकर्मी समेत उपस्थित थिए ।

भदौ ३ गते रिलिज तयारीमा रहेको फिल्मले विवाहपछि पनि कायम रहने प्रेम र संघर्षलाई चित्रण गर्छ । यही फिल्मबाट अभिनय करिअर थालेका तीजले प्रिमियरमा अनलाइनखबरसँग कुरा गर्दै आफू एकसाथ नर्भस र उत्साहित भएको बताए ।

तस्वीर : शंकर गिरी/अनलाइनखबर