एसिया कपमा श्रीलंकामाथि अफगानिस्तानको शानदार जित

१२ भदौ, काठमाडौं । अफगानिस्तानले एसिया कप क्रिकेटमा शनिबार श्रीलंकालाई ८ विकेटले पराजित गरेको छ ।

दुबई अन्तर्राष्ट्रिय मैदनजमा बलिङ र ब्याटिङ दुवैमा अलराउण्ड प्रदर्शनमा अफगानिस्तानले शानदार जित निकाल्दै समूह ए मा २ अंक जोडेको छ ।

अफगानी बलरहरुले उत्कृष्ट प्रदर्शन गर्दै श्रीलंकालाई १९.४ ओभरमा १०५ रनमा अलआउट गरेको थियो ।

त्यसपछि अफगानिस्तानले १०.१ ओभर खेल्दै २ विकेट गुमाएर लक्ष्य पूरा गर्‍यो । ओपनरद्वय हजरतुल्लाह जजाई र रहमानुलल्ह गुर्बाजले पावर भित्रै ८३ रनको साझेदारी गर्दै जित सहज बनाएको थिए ।

गुर्बाजले सर्वाधिक ४० रन बनाए भने जजाई ३७ रनमा अविजित रहे । इब्राहिम जद्रानले १५ रन जोडे । श्रीलंकाका वानिदु हसरंगाले एक विकेट लिए ।

त्यसअघि फास्ट बलर फजल फारुकी र स्पीनरहरु चम्केपछि श्रीलंका दुई बल अगावै अलआउट भयो । श्रीलंकाका लागि भानुका राजपक्षले सर्वाधिक ३८ र चमिका करुणारत्नले ३१ रन जोडे । धनुस्का गुनतिलकाले १७ रन जोडे । बाँकी खेलाडीले दोहोरो अंकमा रन जोड्न सकेनन्  ।

अफगानिस्तानका लागि म्यान अफ दी म्याच फारुकीले ३.४ ओभरमा १ मेडन राख्दै ११ रन खर्चेर ३ विकेट लिए ।

कप्तान मोहम्मद नावी र मुजिव उर रहेमानले २-२ विकेट लिए । नावीले चार ओभरमा १४ र मुजिवले २४ रन खर्चिए । रासिद खानले विकेट नलिएपनि चार ओभरमा किफायती बलिङ गर्द जम्मा १२ रन खर्चिए । नभिन उल हकले १ विकेट लिए ।

एसिया कपमा आइतबार दुई चिरपरिचित प्रतिद्वन्दी भारत र पाकिस्तान भिड्नेछन्।