१५ भदौ, काठमाडौं । मिटर ब्याज पीडितहरूले आज बालुवाटारमा पार्चपास गर्ने भएका छन् ।
मिटर ब्याज तथा ठगीविरुद्ध किसान-मजदुर संघर्ष समितिले बालुवाटारमा मार्चपास गर्न लागेको हो ।
संघर्ष समितिका अध्यक्ष राम सुरत गुप्ताले दिउँसो दुई बजे २ बजे माइतीघरमा जम्मा भएर बालुवाटार जाने कार्यक्रम रहेकोले सहभागी हुने सरोकारवालालाई अपिल गरेका छन् ।
दृष्टिबन्धकलगायत अन्य तमसुक अवैध घोषणा गरेर किसानलाई क्षतिपूर्ति दिनुपर्ने माग संघर्ष समितिको छ ।
मिटर ब्याजको समस्या देशभैर फेलिएपछि केही समयअघि सरकारले सहसचिवको संयोजकत्वमा कार्यदल गठन गरिसकेको छ । तर, कार्यदलमा पीडित पक्ष सहभागी नबनाएकोले भरोसा गर्न नसकिएको संघर्ष समितिको भनाइ छ ।
पछिल्लो समय मिटर ब्याजी पीडितहरू काठमाडौं केन्द्रित भएर आन्दोलन गरिरहेका छन् ।
उनीहरूले पीडकलाई धरौटीमा छोड्ने सिलसिला रोकिनु पर्ने, ऋणभन्दा धेरै रकम तिरेका पीडितलाई ऋणमुक्त गर्नु पर्ने, बन्धक बनाइएका जमिन फुकुवा गर्नुपर्ने र साहुको सम्पत्ति छानबिन गर्नुपर्ने माग गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
%20-%20Copy.jpg)
प्रतिक्रिया 4