टिकटक बनाउने भन्‍दै मोटरसाइकल चोरे

२० भदौ, काठमाडौं । प्रहरीले टिकटक बनाउने बहाना बनाएर मोटरसाइकल चोरी गरेको आरोपमा तीन जनालाई पक्राउ गरेको छ ।

पक्राउ पर्नेमा सिन्धुपाल्चोकको मेलम्ची नगपालिका-१० बस्‍ने १८ वर्षीय निसान सापकोटा (मुख्‍य चोर), सिन्धुपाल्चोकको मेलम्ची नगरपालिका-१० कै ३२ वर्षीय रामचन्द्र रावल (ग्‍यारेज सञ्‍चालक) र सिन्धुपाल्चोकको इन्द्रवती गाउँपालिका-४ टाकुरेका ३२ वर्षीय पुरस्कर काफ्ले (पाटपुर्जा खरिद कर्ता) रहेका छन् ।

उनीहरुलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।

पक्राउ परेका उनीहरुमाथि आवश्‍यक कारबाहीको लागि प्रहरी वृत बौद्धले अनुसन्धान गरिरहेको प्रहरीले जनाएको छ ।