प्रचण्डको आलोचक हुँ, आलोचना गर्छु : जनार्दन शर्मा

२२ भदौ, काठमाडौं । नेकपा माओवादी केन्द्रका उपमहासचिव जनार्दन शर्माले आफूले पार्टी अध्यक्ष पुष्कमल दाहाल ‘प्रचण्ड’को आलोचना र रक्षा दुवै गर्दै आएको बताएका बताएका छन् ।

बुधबार पार्टी निकट अखिल क्रान्तिकारीले चुनाव लक्षित फोर्स घोषणा गर्ने कार्यक्रममा उनले सही नेतृत्व र नीतिको मात्रै सर्मथन गनुपर्ने बताए।

‘अध्यक्षको सबैभन्दा कडा आलोचक मै हुँ,’ उनले कार्यक्रममा भने, ‘अध्यक्ष कमरेडको संरक्षण गर्ने पनि मै हुँ। नेतृत्वको कमजोरीको आलोचना गनुर्पछ । म त अध्यक्ष कमरेडको आलोचक हुँ, आलोचना गर्छु ।’

नेतृत्वले गलत गर्दा आलोचना गर्नुपर्ने भन्दै विद्यार्थीहरुलाई जनार्दनले भने, ‘तपाईंहरुले पनि अध्यक्ष पञ्चाको कमजोरी गर्दा आलोचना गर्नुहोला। आलोचनाले नेतृत्वको रक्षा हुन्छ ।’