सुनको मूल्य तोलामै एक हजार रुपैयाँले घट्यो

३१ भदौ, काठमाडौं । शुक्रबार सुन र चाँदीको मूल्यमा गिरावट आएको छ । नेपाल सुन चाँदी व्यवसायी महासंघकाअनुसार सुनको मूल्य तोलामै एक हजार रुपैयाँले घटेको छ भने चाँदीको मूल्य तोलामा १० रुपैयाँले घटेको छ ।

शुक्रबार छापावाल सुनको मूल्य ९१ हजार ५ सय, तेजावी सुनको मूल्य ९१ हजार र चाँदीको मूल्य प्रतितोला १ हजार १७० रुपैयाँ तोकिएको छ ।

बिहीबार प्रतितोला ९२ हजार ५ सय रुपैयाँमा छापावाल सुन, ९२ हजार रुपैयाँमा तेजावी सुन र १ हजार १८० रुपैयाँ चाँदीको कारोबार भएको थियो ।