अनर एक्स ६को प्रि-बुकिङ खुला

काठमाडौं । नेपालका लागि अनरको आधिकारिक वितरक सेलट्रोन नेपाल प्रालिले अनरको पछिल्लो एन्ट्री लेभल मोबाइल अनर एक्स६ को प्रिबुकिङ खुला गरेको छ ।

वितरकका अनुसार अनर एक्स सेरिजहरु (एक्स७, एक्स८ र एक्स९) र अनर ५० लाइट पहिल नै बजारमा उपलब्ध रहेको र अनर एक्स६ पनि एक्स सेरिजमा थपिएको छ ।

कम्पनीका अनुसार अनर एक्स६ को प्रि-बुकिङ अभियान २४ -२५ सेप्टेम्बर २०२२ सम्म लागू हुनेछ ।

यो योजना अन्तर्गत अनर एक्स६ को प्रत्येक प्रि-बुकिङमा उपभोक्ताले ५ हजार ५०० रुपैयाँ मूल्यको अनर इयरबड्स एक्स३ लाइट ५०० रुपैयमा प्राप्त गर्न सक्नेछन् ।

२६ सेप्टेम्बरदेखि अनर एक्स नेपालभर अनलाइन र अफलाइन साझेदारहरु ६ मार्फत उपलब्ध हुने मोबाइलको आधिकारिक मूल्य १८ हजार ४९० रुपैयाँ रहेको कम्पनीले जनाएको छ ।