+
+

रुपन्देही–१ मा जसपाबाट सिंह कि यादव ?

अनलाइनखबर अनलाइनखबर
२०७९ असोज १४ गते १६:२५
जसपा नेता मातृका यादव र नवलकिशोर सिंह

१४ असोज, बुटवल । सत्ता गठबन्धनको सिट बाँडफाँट अनुसार रुपन्देही–१ जनता समाजवादी पार्टीले पाउने लगभग पक्का छ ।

तर यो क्षेत्रमा को उम्मेदवार बनाउने भन्ने निर्णय जसपाले गर्न सकेको छैन । भदौ २२ गते बसेको क्षेत्रीय समितिको बैठकले जिल्ला उपाध्यक्ष नवलकिशोर सिंह र मातृका यादवलाई उम्मेदवार सिफारिस गरेको थियो ।

यादव एमालेबाट केही महिनाअघि प्रवेश गरेका निजी विद्यालय सञ्चालक हुन् । जसपा जिल्ला अध्यक्ष राम अवतार यादवले जिल्ला र प्रदेशले दुई जनालाई सिफारिस गरेकाले केन्द्रीय समितिले दुई जनामध्ये एक जनालाई उम्मेदवार बनाउने बताए । ‘दुई जनामध्ये को उम्मेदवार बन्ने भन्ने केन्द्रीय नेतृत्वले निर्णय गर्छ’, यादवले भने, ‘उम्मेदवार टुंगो लगाउन म पनि काठमाडौं जांदैछु ।’

नेकपा एमालेले यो क्षेत्रमा पार्टीका सचिव एवं पूर्वमन्त्री छविलाल विश्वकर्मालाई उम्मेदवार बनाउन सिफारिस गरेको छ । विश्वकर्मा २०७४ को चुनावमा कांग्रेसका अब्दुल रज्जाकलाई पराजित गर्दै निर्वाचित भएका थिए ।

एमालेसंग तालमेल नभए राप्रपाले यो क्षेत्रमा वरिष्ठ नेता दीपक बोहरालाई उम्मेदवार बनाउने राप्रपा प्रदेश अध्यक्ष प्रदीप उदयले बताए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?