शिशिर र समीक्षाको अभिनयमा ‘लागे परदेशै’ सार्वजनिक

काठमाडौं । दशैं छेको पारेर ऋषि खड्का र सुनिता बुढा क्षेत्रीको स्वरमा ‘लागे परदेशै’ गीत सार्वजनिक भएको छ ।

ऋषिकै शब्द तथा संगीत रहेको लोकगीतमा दशैंको बेला घरपरिवार छाडेर विदेशिन बाध्य युवाको कथा प्रस्तुत गरिएको छ । उत्तम श्रेष्ठ ‘शिशिर’ले निर्देशन गरेको गीतको भिडियोमा शिशिर भण्डारी र समीक्षा पोखरेल फिचर्ड छन् । भिडियोमा उनीहरु श्रीमान् श्रीमतीको भूमिकामा छन् ।

साइराम पिक्चर्सले निर्माण गरेको भिडियोमा दीपक गिरीको छायांकन र रोणित बिसुन्खेको सम्पादन छ ।