निर्वाचन आयोगको ‘भष्मासुरको कथा’ पनि विवादमा

१४ कात्तिक, काठमाडौं । निर्वाचन आयोगले निर्वाचन शिक्षा र चुनावको प्रचारका लागि बनाएको अर्को श्रव्य दृश्य सामग्री पनि विवादमा परेको छ ।

आयोगले आफ्नो ट्वीटरबाट सार्वजनिक गरेको हिन्दू धर्मशास्त्रमा आधारित महादेवले भष्मासुरलाई दिएको वरदान सम्बन्धी विषयलाई समावेश गरिएको श्रव्यदृश्य सामग्री अन्तर्राष्ट्रिय सर्ट फिल्म कम्पिटिसन ‘माइ रोड रिल’मा सहभागी भइसकेको हिन्दी भाषाको श्रव्यदृश्य सामग्रीसँग हुबहु मिलेको छ ।

पर्मिला मिडिया आर्टसले बनाएको उक्त भिडियो सामग्रीमा भनिएको कथा र त्यसले दिने सन्देशमात्र होइन, प्रस्तुतिसमेत आयोगको प्रचार सामग्रीमा हुबहु मिलेको हो ।

सञ्चारकर्मी तथा सञ्चार उद्यमी दिनेश डिसी देखिएको आयोगको भिडियोमा उनकै आवाज छ र महादेव, भष्मासुर र मोहिनीको कार्टुन चित्र समावेश गरिएको छ ।

यो पनि पढ्नुहोस

जब निर्वाचन आयुक्तलाई गीत गाउने रहर लाग्यो

आयोगले यसअघि तयार पारेको निर्वाचन सम्बन्धी गीत पनि विवादमा परेको थियो । त्यसपछि आयोगले त्यो गीत आफ्नो सामाजिक सञ्जालबाट हटाएको थियो ।

आयोगले तयार पारेको सामग्री हेर्नुहोस् :

आज पनि सान्दर्भिक एउटा नीतिकथा: जब शिवजीले तथास्तु भने… #NepalVotes2022 #ECN pic.twitter.com/5m0prIu6PT

— Election Commission Nepal (@ECNOfficial) October 31, 2022

पर्मिला मिडिया आर्टसले बनाएको सामग्री हेर्नुहोस् :