+
+

स्वर्णिम वाग्लेलाई बालकोटमा बोलाएको थिएँ : ओली

अनलाइनखबर अनलाइनखबर
२०७९ कात्तिक २२ गते ६:४८

२२ कात्तिक, काठमाडौं । एमाले अध्यक्ष केपी ओलीले कांग्रेस घोषणापत्र मस्यौदा समिति संयोजक स्वर्णिम वाग्लेलाई चुनावको उम्मेदवार बनाउनेबारे छलफल भएको पुष्टि गरेका छन् ।

यसअघि अर्थविद् वाग्लेले एउटा कार्यक्रममा आफूलाई ओलीबाट उम्मेदवार बन्न प्रस्ताव आएको खुलाएका थिए ।

अनलाइनखबरसँग लामो अन्तर्वार्ताको क्रममा ओलीले वाग्लेसँग काठमाडौंको कुनै क्षेत्रबाट लड्नेबारे छलफल भएको संकेतमा बताएका छन् ।

‘स्वर्णिमजीसँग मेरो कुरा भएको थियो,’ ओलीले भने, ‘म यसबारे अहिले तपसिलमा जान चाहन्नँ ।’

हामीले सोध्यौं, ‘तपाईंले वाग्लेलाई फोन गर्नुभएको थियो ?’

‘मैले बोलाएको थिएँ । कुरा गरेको थिएँ ।’

‘बालकोटमै कुरा भयो ?’ हाम्रो अर्को प्रश्न थियो ।

‘अँ’, मुन्टो हल्लाएर ओली रोकिए ।

‘वाग्लेले केही कुरा देखाएर अप्ठेरो जनाउनुभयो ?’ हामीले थप जान्न चाह्यौं ।

‘के कुरा भयो भन्नेबारे म अहिले केही भन्दिनँ । मैले के भनें, उहाँले के भन्नुभयो भन्ने डिटेलमा जाँदा अर्कै अर्थ लाग्छ । अंश उद्धरण गर्दाजस्तो डिटेलमा जाँदा हुँदैन’, ओलीले भने ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?