२०७९ कात्तिक २८ गते २०:२२ 
२८ कात्तिक, काठमाडौं । कतारमा अर्को साता सुरु हुने फिफा विश्वकपका लागि घानाले टिम घोषणा गरेको छ । प्रशिक्षक ओट्टो एड्डोले सोमबार २६ सदस्यीय अन्तिम टोली घोषणा गरेका हुन् ।
एड्डोले नोभेम्बर ४ मा ५५ सदस्यीय प्रारम्भिक टोली घोषणा गरेका थिए र त्यसैबाट अन्तिम टोली घोषणा गरेका हुन् । टिममा पहिलो गोलकिपर वोल्लाकोट भने छैनन् । विश्वकपअघि अन्तिम क्लब खेलमा औंलाको चोट लागेपछि उनी विश्वकप खेल्ने टिममा परेनन् ।
अनुभवी दाजुभाघ आन्द्रे आयु र जोर्डन आयुसहित थोमस पार्टे, बाबा रहमान र डानिएल मार्टे घानाको टिममा समावेश छन् । समूह एचमा रहेको घानाले नोभेम्बर २४ मा पोर्चुगलसँग पहिलो खेल खेल्नेछ ।
घानाको टिम
गोलकिपर : लवरेन्स एटी जिगी, अब्दुल मानाफ नुरदिन, इब्राहिम डानलड
डिफेण्डर : बाबा रहमान, डानिएल अमार्टे, अलेजान्डर जिकु, जोसेफ अइडो, गिडेओन मेनसाह, डेनिस ओडोई, अलिडु सेइडु, मोहम्मेद सालिसु, तारिक लामपाटे
मिडफिल्डर : आन्द्रे आयु, थोमस पार्टे, मोहम्मद कुडुस, डानिएल कोफी केरेह, एलिशा ओवुसु, डानिएल अफ्रियी, सालिस अब्दुल सामेद
फरवार्ड : जोर्डन आयु, कमलदिन सुलेमाना, अब्दुल फतावु इशाहाकु, ओस्मान बुकारी, इनाकी विलियम्स, एन्टोनी सेमेन्यो, कमल सोवह
प्रतिक्रिया 4