+
+

चुनाव जितेपछि धवलशमशेरले भने- क्षमताले भ्याएसम्म जनता र देशका लागि योगदान गर्छु

अनलाइनखबर अनलाइनखबर
२०७९ मंसिर ७ गते ९:४१

काठमाडौं । बाँके क्षेत्र नम्बर २ बाट प्रतिनिधिसभामा विजयी भएका राष्ट्रिय प्रजातन्त्र पार्टीका धवलशमशेर राणाले नागरिकका इच्छा र आकांक्षा पूरा गर्न हरतरहले लागिपर्ने बताएका छन् ।

निर्वाचित भएपछि उनले भने, ‘आम मतदाताको सद्भावले विजयी भएँ । उहाँहरुको आशा र आकांक्षालाई पूरा गर्न हरतरहले लागिपर्नेछु । उहाँहरु सबैलाई धन्यवाद दिन चाहन्छु ।’ राणाले आफ्नो क्षमता र योग्यताले भ्याएसम्म देशका योगदान गर्न सधैं तत्पर रहेको बताए ।

बाँके-२ मा राणाले आफ्ना निकटतम प्रतिद्वन्द्वी जनता समाजवादी पार्टीका मोहम्मद इस्तियाक राईलाई ६ हजार ५७ मतान्तरले पराजित गरे ।

उनले २९ हजार ५७७ मत प्राप्त गर्दा राईले २३ हजार ५२० मत ल्याए । नेपाली कांग्रेसका सुदीपनरसिंह राणा ४ हजार ४०३ मतका साथ तेस्रो स्थानमा रहे ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?