इराकमा भएको विस्फोटमा ८ जना सुरक्षाकर्मीको मृत्यु

३ पुस, काठमाडौं । इरानको उत्तर मध्ये क्षेत्रको शहर किरकुक नजिकै भएको बम विस्फोटमा परेर कम्तिमा पनि ८ जना सुरक्षाकर्मीको मृत्यु भएको छ ।

अरु २ जना घाइते भएका छन् ।

यात्रारत सुरक्षाकर्मीलाई लक्षित गरेर बम विस्फोट भएको हो ।

विस्फोटको जिम्मा कसैले लिएको छैन ।

यो क्षेत्रमा आईएसआईएसका लडाकु सक्रिय रहँदै आएका छन् ।

राजधानी बगदादबाट २३८ किलोमिटर टाढा रहेको किरकुक शहरलाई इराकी सुरक्षा फौजले कुर्दिश लडाकूकको नियन्त्रणबाट मुक्त गरेको थियो ।

यसअघि सन् २०१४ मा इराकी सुरक्षाकर्मी भागेपछि किरकुक शहर कुर्दिसको नियन्त्रणमा पुगेको थियो ।