विमान दुर्घटनामा मृत्यु हुनेको सम्झनामा माइतीघरमा दीप प्रज्वलन

२ माघ, काठमाडौं । आइतबार पोखरामा भएको विमान दुर्घटनामा ज्यान गुमाएकाहरुप्रति श्रद्धाञ्जली अर्पण गर्न सोमबार माइतीघरमा दीप प्रज्वलन गरिएको छ ।

विभिन्न समूहमार्फत युवाहरुले माइतीघरमा भेला भएर दीप प्रज्वलन गरेका हुन् । उनीहरुले विमान दुर्घटनाको शोकमा सार्वजनिक विदा दिएकामा असन्तुष्टि जनाएका थिए ।

उनीहरुले बोकेको प्लेकार्डमा सार्वजनिक विदा दिनुभन्दा थोत्रा जहाजहरु हटाउनुपर्ने सन्देश लेखिएको थियो ।

आइतबार पोखरामा भएको यती एयरलाइन्सको विमान दुर्घटनामा ६९ जनाको मृत्यु भएको छ । ३ जना अझै बेपत्ता छन् ।

तस्वीरहरु