सर्वोच्चको फैसलापछि सरकारकी प्रवक्ता भन्छिन् : सत्ता साझेदार दलसँग छलफल गर्छौं

१३ माघ, काठमाडौं । सर्वोच्च अदालतले उपप्रधान एवम गृहमन्त्री रवि लामिछानेको पद खारेज गरेसँगे सरकारकी प्रवक्ता एमव सञ्चार तथा सूचना प्रविधिमन्त्री रेखा शर्माले सरकारले सर्वोच्चको फैसलाको सम्मान गर्दै कार्यान्वयन गर्ने बताएकी छिन् ।

‘सर्वोच्चको फैसला सरकारले नमान्ने भन्ने कुरा भएन, बाँकी कुरा सम्बन्धित दल र मन्त्रीले गर्नुहोला,’ शर्माले अनलाइनखबरसित भनिन् ।

फैसलापछिको अवस्थाबारे मन्त्रीपरिषद र सत्ता साझेदार दलसँग छलफल हुने शर्माको भनाइ छ। ‘फैसलापछिको अबस्थाबारे मन्त्रीपरिषद बैठकमा छलफल हुन्छ,’ उनले भनिन्, ‘यसबारे सत्ता साझेदार दलहरुसँग पनि छलफल गरेर टुंगोमा पुग्छौं ।’