+
+

मैत्रीपूर्ण खेलका लागि भारत जाने टोलीको बिदाइ

अनलाइनखबर अनलाइनखबर
२०७९ माघ २९ गते १२:०६

२९ माघ, काठमाडौं । अखिल नेपाल फुटबल संघ (एन्फा) ले भारत जाने नेपाली राष्ट्रिय महिला फुटबल टोलीलाई बिदाइ गरेको छ ।

एन्फाले भारतसँग मैत्रीपूर्ण खेल खेल्ने नेपाली टोलीलाई आइतबार सातदोबाटोस्थित एन्फा कम्प्लेक्समा बिदाइ गरेको हो ।

राष्ट्रिय खेलकुद परिषद (राखेप) का सदस्य सचिव टंक लाल घिसिङ, एन्फाका उपाध्यक्ष वीर बहादुर खड्का, महासचिव किरण राई लगायतले नेपाली टोलीलाई बिदाइ गरे ।

नेपाली महिला टोली सोमबार भारत प्रस्थान गर्ने छ । नेपाली टोलीले भारतसँग चेन्नईमा फागुन ३ र ६ गते मैत्रीपूर्ण खेल खेल्नेछ ।

यसअघि नेपालका लागि प्रमुख प्रशिक्षक अनन्त थापाले एन्जिला तुम्बापो सुम्बाको कप्तानीमा २३ खेलाडीे सहितको टोली घोषणा गरेका थिए ।

टोलीमा चोटका कारण साफ महिला च्याम्पियनसिप गुमाएकी मिडफिल्डर रेनुका नगरकोटी टिममा फर्किएकी छन् ।

नेपाली टोलीका खेलाडी

गोलकिपरः एन्जिला तुम्बापो सुब्बा, अञ्जना राना मगर, उषा नाथ

डिफेन्डरः हिरा कुमारी भुजेल, घिमकुमारी गुरुङ, अमृता जैशी, गीता राना, निशा थोकर, विमला विक, समीक्षा घिमिरे

मिडफिल्डरः विमला चौधरी, सविता राना मगर, सरु लिम्बु, दीपा शाही, रेनुका नगरकोटी, अनिता बस्नेत, प्रिती राई, अनिता केसी

फरवार्डः अमिषा कार्की, रेखा पौडेल, सावित्रा भण्डारी, रश्मीकुमारी घिसिङ, निर्मला विक

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?