प्रदेश १ : कोशीको पक्षमा माओवादी केन्द्रले मतदान गर्ने

१७ फागुन, विराटनगर । प्रदेश १ को नाम कोशी राख्न नेकपा माओवादी केन्द्र पनि सहमत भएको छ । कांग्रेस र नेकपा एमालेले प्रदेशको नाम कोशी पेश गर्ने सहमति गरेका थिए ।

पहिचानको पक्षमा रहेको माओवादी केन्द्रले पनि कोशीमा मतदान गर्ने निर्णय गरेको माओवादी केन्द्र प्रदेश १ सांसद गणेश उप्रेतीले जानकारी दिए ।

यसअघि माओवादी केन्द्रले पहिचानसहितको छुट्टै नाम प्रस्ताव गर्ने तयारी गरेको थियो । तर संसदीय दलको बैठकले कोशीको पक्षमा मतदान गर्ने निर्णय गरेको उप्रेतीले बताए ।

यो पनि पढ्नुहोस

प्रदेश नं. १ : उपयुक्त नाम र विकल्प