लिग टूको अन्तिम सिरिजका नेपाली टोलीको घोषणा, सन्दीप जोरा रिजर्भमा

२३ फागुन, काठमाडौं । घरेलु मैदानमा हुने आईसीसी क्रिकेट विश्वकप लिग टु को अन्तिम शृखंलाका लागि नेपाली टोली घोषणा भएको छ ।

नेपाल क्रिकेट संघ क्यानले मंगलबार रोहितकुमार पौडेलको कप्तानीमा १४ सदस्यीय अन्तिम टोली घोषणा गरेको हो । जसमा युएईमा भर्खरै सम्पन्न लिग टु खेलेका खेलाडीले नै निरन्तरता पाएका छन् ।

युएई गएकामध्ये सन्दिप जोरा, श्याम ढकाल, अर्जुन साउद र कमलसिंह ऐरी रिजर्भमा छन् ।

यही फागुन २५ देखि चैत २ गतेसम्म कीर्तिपुरस्थित त्रिवि क्रिकेट मैदानमा नेपाल, युएई र पपुवा न्युगिनीबीच शृखंला हुनेछ ।

लिग टुको शीर्ष तीनमा रहेर विश्वकप छनोटमा स्थान बनाउन नेपालले घरेलु मैदानमा चारवटै खेल जित्नुपर्नेछ भने ओडीआई मान्यता जोगाउन दुई खेल जित्नुपर्नेछ ।

नेपाली टोली

रोहित पौडेल (कप्तान), कुशल भुर्तेल, आसिफ शेख, ज्ञानेन्द्र मल्ल, दीपेन्द्र सिंह ऐरी, सन्दीप लामिछाने, करण केसी, प्रतिश जिसी, कुशल मल्ल, सोमपाल कामी, गुलसन झा, भीम शार्की, ललित राजवंशी ।

रिजर्भ : सन्दिप जोरा, श्याम ढकाल, कमल सिंह ऐरी, अर्जुन साउद ।