२०७९ फागुन २४ गते १८:१४ 
२४ फागुन, काठमाडौं । शहीद स्मारक ए डिभिजन लिगमा हिमालयन शेर्पा क्लबले बुधबार नेपाल पुलिस क्लबलाई १-० ले पराजित गरेको छ ।
अमृत श्रेष्ठले इन्जुरी टाइममा गोल गरेपछि हिमालयन शेर्पाले पुलिसलाई हराएर लिगमा पहिलो जित निकालेको हो ।
यसअघि पहिलो खेलमा हिमालयनले मनाङ मर्स्याङ्दीलाई पराजित गरेको थियो ।
पुलिसले भने लगातार दोस्रो हार बेहोरेको छ । पुलिस पहिलो खेलमा चर्च ब्वाइज युनाइटेडसँग पराजित भएको थियो ।
त्रिपुरेश्वरस्थित दशरथ रंगशालमा भएको खेलमा हिमालयन शेर्पाले पहिलो हाफमा गोल गर्ने अवसर गुमाएको थियो ।
३१औं मिनेटमा पेनाल्टी पाए पनि निशान लिम्बुले गोल गर्न सकेनन् । उनको प्रहार पुलिसका शत्रुघन चौधरीले बचाएका थिए । जितपछि हिमालयन शेर्पाले दुई खेलबाट ४ अंक जोडेको छ । लगातार दुई हारपछि पुलिस अंकविहिन छ ।
प्रतिक्रिया 4