गोकुल बास्कोटाले भने : चितवनमा भदौरे बाढीले ल्याएको लेदो बगेर नारायणी सङ्लिएको छ

२० चैत, चितवन । नेकपा एमालेका नेता गोकुल बास्कोटाले चितवनमा भदौरे बाढीले ल्याएको लेदो र फोहोर नारायणीले बगाइसकेको टिप्पणी गरेका छन् ।

सोमबार चितवन–२ मा एमाले उम्मेदवार रामप्रसाद न्यौपानेको उम्मेदवारी दर्तापछि उनले चितवनमा अब नयाँ पालुवा पलाउने बताए ।

‘भदौरे बाढीले ल्याएको लेदो आदि इत्यादि फोहोर जति बगाएर नारायणी सफा हुँदै आएको छ, सङ्लिदै आएको छ’ उनले भने, ‘चितवनमा नयाँ पालुवा पलाएको छ ।’

उनले माडीको राम रोज्ने कि कलियुगको कृष्ण रोज्ने चितवनका जनताको हातमा रहेको पनि बताए ।