२०८० वैशाख ४ गते १८:११ 
४ वैशाख, काठमाडौं । शहीद स्मारक ए डिभिजन लिग फुटबलमा फ्रेण्ड्स क्लबले हिमालयन शेर्पामाथि शानदार जित हात पारेको छ ।
ललितपुरस्थित एन्फा मुख्यालयको मैदानमा भएको खेलमा फ्रेण्ड्सले हिमालयन शेर्पाबिरुद्ध ६–० को एकतर्फी जित निकालेको हो । जारी लिगमा फ्रेण्ड्सको यो दोस्रो जित हो ।
फ्रेण्ड्सको जितमा राफिक अमिनुले दुई गोल गरे भने अमित तामाङ, उत्तम राई, टोरिक जेब्रिन र अखरबेक उक्तामोभले टोलीका लागि एक/एक गोल गरे ।
जितसँगै ९ खेलबाट ८ अंक बनाएको फ्रेण्ड्स रेलिगेसन क्षेत्र भन्दा माथि उक्लिएको छ । उता हिमालयन शेर्पाले समान ९ खेलबाट ९ अंक नै जोडेको छ ।
प्रतिक्रिया 4