आचरण विपरीत काम गरेको भन्दै सशस्त्र प्रहरी निरीक्षक कारबाहीमा

८ जेठ, काठमाडौं । आचरण विपरित कार्य काम गरेको भन्दै  सशस्त्र प्रहरीले एक जना सशस्त्र प्रहरी निरीक्षकलाई कारबाही गरेको छ ।

सशस्त्र प्रहरी बल, नेपाल प्रधान कार्यालयले सशस्त्र प्रहरी निरीक्षक रामचन्द्र खड्कालाई तीन वर्ष बढुवा रोक्का गर्ने गरी कारबाही गरेको हो ।

सशस्त्र प्रहरी बल, नेपाल नं. ११ गण रौतहटमा कार्यरत उनलाई सशस्त्र प्रहरी नियमावली २०७२को परिच्छेद १३ को नियम ११२ को उपनियम (१) को खण्ड (ख) अनुसारको कसूरमा सोही नियमावलीको नियम ११५ को उपनियम (१) को देहाय (६) (ख) ले दिएको अधिकार प्रयोग गरी सोही नियमावलीको नियम ११० को खण्ड (क) (५) बमोजिम कारवाही गरिएको सशस्त्र प्रहरीले जनाएको छ ।

उनलाई २०८० जेठ ८ गतेदेखि लागू हुने गरी ३ वर्ष बढुवा रोक्काको कारबाही गरिएको सशस्त्र प्रहरीका डिएसपी तथा सहप्रवक्ता शैलेन्द्र थापाले जानकारी दिएका छन् ।