आँखा पाक्ने संक्रमण बढेपछि गढवा गाउँपालिकाका विद्यालय एक हप्ता बन्द

२१ साउन, दाङ । आँखा पाक्ने संक्रमण बढेपछि दाङको गढवा गाउँपालिकाका विद्यालय एक साताका लागि बन्द गरिएको छ ।

गाउँपालिकाले आइतबार एक सूचना जारी गर्दै बालबालिकामा आँखा चिलाउने, रातो हुने तथा आँखा पाक्ने समस्या बढ्दै गएको भन्दै विद्यालय बन्द जानकारी गरएको हो ।

विद्यार्थीमा आँखा पाक्ने रोगको संक्रमण फैलन सक्ने भन्दै साउन २८ गतेसम्मका विद्यालय बन्द गरिएको गाउँपालिकाका शिक्षा अधिकृत श्यामबहादुर बिक जानकारी दिए ।

दाङमा पछिल्लो केही समय यता आँखा पाक्ने संक्रमण बढ्दो छ ।