रिजवान र बाबरले गरे ५० रनको साझेदारी

१२ भदौ, काठमाडौं । नेपालविरुद्ध पाकिस्तानका ब्याटरद्वय मोहम्मद रिजवान र कप्तान बाबर आजमले ५० रनको साझेदारी गरेका छन् ।

४४ रन दिएर २ विकेट लिई पावरप्ले सकेको नेपालले पाकिस्तानविरुद्ध राम्रो सुरुवात गरेको थियो । तर ओपनर ब्याटरद्वय फाखर जमान र इमान उलहकलाई आउट गरेपछि नेपालले तेस्रो विकेट लिन सकेन । तेस्रो विकेटको लागि रिजवान र बाबरको साझेदारी तोड्न नेपाली बलरहरुलाई गाह्रो भएको छ ।

पाकिस्तानका ओपनर ब्याटर फाखर जमान विकेटकिपर आसिफ शेखबाट १४ रनमा क्याच आउट भए । सातौं ओभरको पहिलो बलमा रोहित पौडेलले डाइरेक्ट थ्रोमा इमाम उल हकलाई ५ रनमा रन आउट गराए ।

हाल १९ ओभर सकिँदा रिजवान र बाबरले ५९ रनको साझेदारी गर्दै खेलिरहेका छन् ।