+
+

‘गदर २’ ले राख्यो छिटो ५०० करोड कमाउने हिन्दी फिल्मको कीर्तिमान

अनलाइनखबर अनलाइनखबर
२०८० भदौ १८ गते १३:४३

काठमाडौं । सन्नी देओल स्टारर फिल्म ‘गदर-२’ ले भारतीय बक्स अफिसमा नयाँ इतिहास रचेको छ । यो फिल्म अहिले ५ सय करोड क्लबमा प्रवेश गरेको छ । यसले चौथो आइतबार रेकर्ड तोड्दै ७.८० करोड भारु कलेक्सन गरेको छ ।

फिल्मको कुल कलेक्सन ५०१ करोड भारु छ । अब फिल्मको नजर ‘बाहुबली–२’को हिन्दी संस्करणको कलेक्सको रेकर्ड तोड्नेतर्फ लक्षित छ । ‘बाहुबली २’को हिन्दी भर्सनले भारतीय बक्स अफिसमा ५१०.९९ करोड भारु कमाएको थियो ।

२४ दिनमा ५०० करोड क्लबमा सामेल भएसँगै ‘गदर २’ सबैभन्दा छिटो ५०० करोड भारु कमाउने फिल्म पनि बनेको छ । यसबाहेक यो ५०० करोड क्लबमा सामेल हुने तेस्रो हिन्दी फिल्म पनि बनेको छ । यसअघि बाहुबली–२ र पठान मात्र यो क्लबमा आबद्ध हुन पाएका थिए ।

‘गदर २’ले ५०० करोड कमाउन २४ दिन लगाउँदा ‘पठान’लाई २८ दिन लाग्यो भने ‘बाहुबली २’को हिन्दी भर्सनलाई ३४ दिन लाग्यो । ‘गदर-२’ले स्वदेशमा मात्रै होइन विदेशमा पनि राम्रो कमाइ गरेको छ ।

बलिउड हंगामाका अनुसार फिल्मले विश्वभर ६५० करोड भारुभन्दा बढी कमाइ गरेको छ । अष्ट्रेलिया, जर्मनी, अमेरिका र बेलायतजस्ता देशमा यसले राम्रो आम्दानी गरिरहेको छ ।

महत्वपूर्ण कुरा के हो भने अक्षय कुमार स्टारर फिल्म ‘ओएमजी-२’सँगै ‘गदर-२’ रिलिज भएको थियो । ‘ओएमजी-२’ ले पनि बक्स अफिसमा राम्रो कमाई गरे पनि ‘गदर-२’ ले खासै प्रभाव पार्न सकेन । त्यसको दुई सातापछि आयुष्मान खुराना स्टारर फिल्म ‘ड्रिमगर्ल-२’ रिलिज भएको थियो र यो नयाँ फिल्म रिलिज भए पनि ‘गदर-२’ ले राम्रो कमाई गरिरहेको छ ।

अर्कोतर्फ ‘ड्रिम गर्ल-२’ ले पनि आइतबार ८.१० करोड भारु कमाएको छ । योसँगै फिल्मको कुल कलेक्सन ८६.१६ करोड भारु पुगेको छ । आयुष्मान खुराना र अनन्या पाण्डे स्टारर फिल्म अब १०० करोड क्लबमा सामेल हुन लागेको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?