कञ्चनपुरमा खैरो हेरोइनसहित युवक पक्राउ

२४ भदौ, धनगढी । कञ्चनपुरमा ४७ ग्राम खैरो हेरोइनसहित एक युवक पक्राउ परेका छन् ।

संघीय प्रहरी कार्यालय महेन्द्रनगरबाट खटिएको टोलीले बेलौरी नगरपालिका-१० बस्ने २६ वर्षीय हिक्मत हमाललाई ४७ दशमल ८५ ग्राम खैरो हेरोईनसहित पक्राउ गरेको हो ।

हमाललाई प्रहरी नायब निरीक्षक प्रकाश कठायत नेतृत्वको टोलीले भारतबाट लागुऔषध ल्याइरहेको अवस्थामा बेलौरी नगरपालिका-९ को कलकत्ताबाट पक्राउ गरेको संघीय प्रहरी इकाई महेन्द्रनगरले जनाएको छ ।

हमालमाथि अनुसन्धान भइरहेको प्रहरीको भनाइ छ ।