काठमाडौं । अन्तिम समयमा फिल्म ‘मायावी’मा निर्माता हेरफेर भएका छन् । अभिनेता समेत रहेका राज कटुवाल निर्माताको रुपमा जोडिएका छन् । उनले निर्माण गर्ने फिल्म ‘मायावी’ शनिबारदेखि छायांकनमा जाने तयारीमा छ ।
‘मायावी’को निर्माणमा निर्देशक दिवाकर भट्टराई र राजले सहकार्य गर्ने भएका छन् । फिल्मको निर्माण भने दिवाकरकै ब्यानर क्रिएटिभ सिने आर्टबाट हुनेछ । राजले यो फिल्मको सुटिङ शनिबारदेखि सुरु हुने बताए ।
दुई करोड रुपैयाँ बजेट तय गरिएको यो फिल्मपछि राज र दिवाकरले अर्को फिल्म ‘राजा’मा सहकार्य गर्दैछन् । यो फिल्मलाई भट्टराईले निर्देशन गर्ने सम्भावना छ । यसका निर्माता पनि राज हुनेछन् । ‘राजा’को सुटिङ कात्तिकदेखि थाल्ने उनको तयारी छ ।
लभस्टोरी फिल्म ‘मायावी’मा पल शाह र दीपिका प्रसाईं शीर्ष भूमिकामा हुनेछन् । सुशील सिटौला र समिम खान सहायक कलाकारको रुपमा छन् । दुई वर्षपछि पल यो फिल्मबाट पुनरागमन गर्दैछन् ।
मायावीको छायांकन पोखरामा गर्ने तयारी छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4