उपकुलपतिको राजीनामा माग्दै संस्कृत विश्वविद्यालयमा विद्यार्थी संगठनको धर्ना

१२ असोज, दाङ । नेपाल संस्कृत विश्वविद्यालयका उपकुलपति प्रा.डा.यादवप्रसाद लामिछानेको राजिनामा माग गर्दै विद्यार्थी संगठनको धर्ना दिएका छन् ।

विश्वविद्यालयको उपकुलपति जस्तो गरिमा बसेर राजनितिक पार्टीको विभागमा बसेर राजनीति गरेको भन्दै नेपाल विद्यार्थी संघ र अखिल क्रान्तिकारीमा आवद्ध विद्यार्थीहरुले राजिनामा माग गर्दै शुक्रबार आधा विश्वविद्यालयको गेटमा धर्ना दिएका हुन् ।

उपकुलपति लामिछाने नेकपा एमालेको शिक्षा विभाग सदस्यमा बसेर विश्वविद्यालयमा राजनीति गरेको भन्दै नेपाल राजिनामा माग गर्दै धर्ना दिएको नेपाल विद्यार्थी संघ नेपाल विद्यार्थी नेता डा.केशव न्यौपानले बताए ।

विश्वविद्यालयको उपकुलपति जस्तो गरिमाको पदमा बसेको व्यक्ति पार्टीको विभागमा बसेर राजनीति गर्न नहुने र पार्टी राजनीति गर्ने नै भए उपकुलपति पदबाट राजिनामा दिन उनीहरुले माग राखेका छन् ।

‘उपकुलपति जस्तो व्यक्ति पार्टीको विभागीय सदस्यमा बस्नु हुँदैन’ विद्यार्थी नेता न्यौपानेले भने, ‘त्यसैले सकेसम्म पार्टीको विभागबाट राजिनामा दिनुहोस भन्ने हो, पार्टी राजनीति गर्ने नै भए उपकुलपतिबाट राजिनामा दिनुपर्छ ।’