हल्याण्डको दुई गोलसँगै म्यानचेष्टर सिटी विजयी

९ कात्तिक, काठमाडौं । म्यानचेष्टर सिटीले योङ ब्वाइजलाई हराएको छ र, च्याम्पियन्स लिगमा विजयी यात्रा कायमै राखेको छ ।

बुधबार राति भएको समूह चरणको खेलमा डिफेण्डिङ च्याम्पियन सिटीले योङ ब्वाइजलाई ३-१ ले हराएको हो ।

योङ ब्वाइजको घरेलु मैदानमा भएको पहिलो हाफ भने गोलरहित बराबरीमा सकिएको थियो । दोस्रो हाफको सुरुमै म्यानुअल अकान्जीले सिटीका लागि गोल गरे । चार मिनेटपछि मसाक इलियाले बराबरी गोल फर्काए ।

तर अर्लिङ हल्याण्डले लगातार दुई गोल गरेपछि म्यानचेष्टर सिटी ३-१ ले विजयी भयो । ६७औं मिनेटमा पेनाल्टीमार्फत गोल गरेका उनले ८६ मिनेटमा दोस्रो गोल गरेका थिए ।

जितसँगै ३ खेलबाट ९ अंक जोडेको सिटी समूह जीको शीर्ष स्थानमा छ ।

बुधबार राति नए भएको खेलमा रेड स्टार बेलग्रेडलाई ३-१ ले नै हराएको लाइपजिग दोस्रो स्थानमा छ । समान १-१ अंक जोडेको योङ ब्वाइज तेस्रो र बेलग्रेड समूहको चौथो स्थानमा छ ।