काठमाडौं । उदय सुब्बा निर्देशित फिल्म ‘दुई कदम’को शीर्ष गीत युट्युवमा रिलिज भएको छ । मुस्ताङको आकर्षक लोकेसनमा खिचिएको गीतमा डेब्यु कलाकार इओन लिम्बु र सिमोन गिरी फिचर्ड छन् ।
गीतमा प्रविशा अधिकारी र सिडी विजय अधिकारीको स्वर समावेश छ । इओन र सिमोनलाई रोमान्टिक मुडमा फिचर्ड गरिएको छ ।
फिल्ममा सुनिल थापा, कविता आले, सुरवीर पन्डित, प्रेम सुब्बा, गौरव पहारी, बुद्धि तामाङ, अर्जुन गुरुङ, विमला लिम्बु, जिवन लिम्बुको अभिनय छ । ताराप्रकाश लिम्बुको संगीत छ ।
अजम्बरी फिल्मस्को व्यानरमा निर्माण भएको फिल्ममा तारादेवी लिम्बुको लगानी छ । अभिनेता विल्सनविक्रम राईले एक गीतमा विशेष भूमिका निर्वाह गरेका छन् ।
दयाराम घिमिरेको पटकथा, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी, प्रविण ढकालको सम्पादन छ ।
यो फिल्म मंसिर २९ गतेदेखि प्रदर्शन हुँदैछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4