श्री इन्भेस्टमेन्ट फाइनान्सको लाभांश घोषणा

२७ मंसिर, काठमाडौं । श्री इन्भेस्टमेन्ट फाइनान्स कम्पनीले सेयरधनीलाई दिने लाभांश घोषणा गरेको छ । कम्पनीको सञ्चालक समितिको बैठकले गत आर्थिक वर्षसम्मको नाफाबाट सेयरधनीलाई ४ करोड ९५ लाख रुपैयाँ बराबरको ५.०५ प्रतिशतले हुने नगद लाभांश प्रदान गर्ने निर्णय गरेको हो ।

यो लाभांश करसहित हो । लाभांश आगामी साधारणसभाबाट पारित भएपछि सेयरधनीले पाउने छन् । कम्पनीले गत आर्थिक वर्ष ५.२ प्रतिशत नगद र २.४ प्रतिशत सेयर बोनस प्रदान गरेको थियो । कम्पनीको सेयर मूल्य बजारमा प्रतिकित्ता साढे ३ सय रुपैयाँ हाराहारीमा छ ।