काठमाडौं । बलिउड अभिनेत्री दीपिका पादुकोण ‘बाफ्टा प्रेजेन्टर’को रुपमा मनोनित भएकी छन् । बाफ्टा अवार्डको यो संस्करणमा यी बलिउड डिभाले इङ्ल्याण्डका फुटबल स्टार डेभिड बेकह्याम, हलिउड अभिनेत्री केट ब्लान्चेट र अमेरिकी गायिका दुआ लिपासँगै अवार्ड वितरण गर्ने जनाइएको छ ।
७७ औं बाफ्टा अवार्ड आगामी शनिबार बेलायतमा आयोजना हुँदैछ । लण्डनको रोयल फेस्टिभल हलमा अवार्ड वितरण समारोह आयोजना गरिएको छ ।
यो प्रतिष्ठित अवार्डमा ‘साल्टबर्न’ स्टार ब्यारी केओघान, ‘माएस्ट्रो’ अभिनेता ब्राडली कूपर र केरी मुलिगन, ‘ओपेनहाइमर’ अभिनेता किलियन मर्फी र निर्देशकहरू ग्रेटा गेर्विग, क्रिस्टोफर नोलन, सेलिन गीत र योर्गोस ल्यान्थिमोस समावेश हुनेछन् ।
सन् २०२३ को ओस्कार अवार्डमा पनि दीपिकाले भारतीय सिनेमाको प्रतिनिधित्व गर्दै पुरस्कार बाँडेकी थिइन् । दीपिकाले पछिल्लो समय ऋतिक रोशनसँगको एरियल-एक्सन फिल्म ‘फाइटर’मा अभिनय गरेकी थिइन् । उनले आगामी साइन्स फिक्सन-थ्रीलर फिल्म ‘कल्की २८९८ एडी’मा प्रभाससँगै अभिनय गर्दैछिन् ।
प्रतिक्रिया 4