ग्यालेक्सी ए१५ ५जी सार्वजनिक, कति पर्छ मूल्य ?

काठमाडौं । सामसङले नेपाली बजारमा ग्यालेक्सी ए१५ ५जी सार्वजनिक गरेको छ । एफएचडी प्लस रेजोल्युसन भएको ६.५ इन्चको उत्कृष्ट सुपर एमोल्ड इन्फिनिटी–यू डिस्प्लेमा उपलब्ध यी उत्पादनले जीवन्त दृश्यहरू र स्पष्ट विवरणहरू प्रदान गर्ने कम्पनीले जनाएको छ ।

९० हर्ज रिफ्रेस रेटको कारणले यसलाई स्क्रोल गर्दा, ट्याप गर्दा वा स्वाइप गर्दा सहज र प्रतिक्रियात्मक अनुभव हुन्छ । कुनै कार्यक्रम हेर्दा, खेल खेल्दा वा इन्टरनेट ब्राउज गर्दा ए१५ ५जीको डिस्प्लेले सबै कुरा जीवन्त र स्पष्ट देखिने कम्पनीको भनाइ छ ।

अत्याधुनिक मिडिया टेक डाइमेन्सिटी ६१०० प्लस चिपसेट, मल्टिटास्किङ र गेमिङ अनुभवद्वारा सञ्चालित, यसमा अद्भूत पर्फमेन्स र द्रुत ५जी कनेक्टिभिटीका लागि अक्टा–कोर प्रोसेसर छ ।

६/१२८ जीबी, ८/१२८ जीबी र ८/२५६ जीबीसम्मका विकल्पहरू प्रदान गर्ने यो डिभाइस एउटा पावरहाउस हो, जसलाई सबै डिजिटल सामग्रीका लागि सहज रुपले मल्टिटास्किङ गर्न र पर्याप्त स्टोरेज प्रदान गर्न डिजाइन गरिएको कम्पनीले बताएको छ ।

कम्पनीका अनुसार अत्याधुनिक क्यामराका विशेषताले गर्दा ए१५ ५जीको क्यामरा फोटोग्राफीका लागि उत्कृष्ट छ । पछाडिको सेटअपमा ५०एमपी वाइड–एंगल क्यामरा, ५एमपी अल्ट्रा–वाइड क्यामेरा र २एमपी म्याक्रो क्यामरा समावेश छ । जसले गर्दा प्रयोगकर्ताहरूले शानदार परिदृश्यदेखि जटिल विवरणहरूसम्म सबै कुरा सजिलै खिच्न सक्छन् । १३एमपी फ्रन्ट क्यामरा शानदार सेल्फीका लागि उपयुक्त छ ।सबै फोटोग्राफी आवश्यकताका लागि आदर्श विकल्प बनेको छ ।

यसैगरी ग्यालेक्सी ए१५ ५जी नवीनतम एन्ड्रोइड १४ मा चल्ने र यसमा सामसङको प्रयोग गर्न सजिलो वान यूआई ६.० छ । यसले ग्राहक अनुकूल इन्टरफेस दिन्छ । जुन सजिलैसँग कष्टमाइज गर्न सकिन्छ ।

यस बाहेक, यो डिभाइसले ४ वर्षको ओएस अपडेटहरू र ५ वर्षको सुरक्षा अपडेटहरू पनि प्रदान गर्दछ । जसले यो फोनलाई लामो समयसम्मका लागि उपयोगी बनाउँछ र डिभाइसलाई आगामी वर्षहरूमा सुरक्षित र अपटुडेट राख्छ ।

डिभाइसको २जीदेखि ५जीसम्मको नेटवर्कहरूले व्यापक कनेक्टिभिटीका विकल्पहरू प्रदान गर्ने सुनिश्चित गर्दछ । जसले गर्दा नेपालका प्रयोगकर्ताहरूले छिटो र भरपर्दो इन्टरनेटको आनन्द लिन सक्छन् ।

कति पर्छ मूल्य ?

अत्याधुनिक सुविधायुक्त् ए१५ ५जीले सामसङको पहुँचका लागि प्रतिबद्धता कायम राख्छ ।
कम्पनीले ६/१२८ जीबीको मूल्य २७ हजार ९९९ रुपैयाँ तोकेको छ भने ८/१२८ जीबीको २९ हजार ९९९ र ८/२५६ जीबी संस्करणको ३३ हजार ९९९ रुपैयाँ तोकेको छ ।

ग्यालेक्सी ए१५ ५जी इन्स्टा फाइनान्स सेवाको साथमा सबै अधिकृत सामसङ स्टोरहरूमा सजिलै प्राप्त गर्न सकिन्छ । यो सेवामा शून्य प्रतिशत ब्याजमा ईएमआई सेवा उपलब्ध रहेको कम्पनीले बताएको छ ।
कालो निलो, निलो र हल्का निलो रंगमा उपलब्ध यी डिभाइसहरुले वास्तवमै राम्रो काम गर्नुको साथै स्टाइलिस र आरामदायक डिजाइनको साथ हेर्दा पनि आकर्षक देखिने कम्पनीको भनाइ छ ।
यी उत्पादनहरु नेपालभरिका स्टोरहरुमा ७ फागुनदेखि उपलब्ध रहेको छ ।