ओस्कारको थप्पड काण्डपछि फिल्ममा फर्किंदै विल स्मिथ, ‘ब्वाड ब्वाइज’को ट्रेलर रिलिज

काठमाडौं । हलिउडको २९ वर्ष पुरानो फ्रेन्चाइज फिल्म ‘ब्याड ब्वाईज’को चौथो सिरिजको ट्रेलर सार्वजनिक भएको छ । विल स्मिथ र मार्टिन लरेन्स यो पुलिस एक्सन कमेडी ड्रामा फिल्ममा जासूसको भूमिकामा देखिएका छन् ।

सन् २०२२ मा भएको बहुचर्चित ओस्कार घटनापछि अभिनेता विल स्मिथको यो पहिलो फिल्म हो । उक्त ओस्कार सेरेमोनीमा होस्ट क्रिस रकलाई थप्पड हानेर स्मिथ चर्चामा आएका थिए । उनलाई एकेडेमी अफ आर्ट्स एण्ड साइन्सेजले १० वर्षको प्रतिबन्ध पनि लगाएको छ ।

विल स्मिथ हलिउड फ्रेन्चाइजको चौथो शृंखला ‘ब्याड ब्वाइज : राइड वा डाइ’बाट पर्दामा फर्किन तयार छन् । यो फ्रेन्चाइजी फिल्ममा स्मिथसँगै मार्टिन लरेन्सको पनि बलियो जोडी छ । ३ मिनेट ५ सेकेण्ड लामो ट्रेलरमा अघिल्लो फिल्मका केही झलक र चौथो भागका दृश्य पनि समावेश छन्, जसले तपाईंलाई बाँधिराख्नेछ ।

फिल्मको कथा अमेरिकाको मियामीका पूर्वकप्तान कोनराड होवार्डको बारेमा हो, जो धेरै वर्षदेखि औषधि उत्पादन गर्ने कम्पनीमा काम गरिरहेको खुलासा भएको छ । विललाई लाग्छ कि क्याप्टेन होवार्डबारे जासूसी गर्न थालिएको छ ।

वास्तवमा, यसको पछाडि एउटा पूरै गिरोह छ र यसविरुद्धमा ‘खराब केटाहरू’ अर्थात् विल र मार्टिन लरेन्स उभिन्छन् । जसले देशलाई बचाउनु मात्रै होइन, शत्रुलाई पनि नष्ट गर्नुपर्छ । फिल्मका धेरै दृश्य हृदयविदारक छन् ।

यो फिल्म जुन ७ मा सिनेमाघरमा रिलिज हुँदैछ ।