जेलमा रहेका कैदीबन्दी छुटाउछु भन्दै १० लाख लिएको आरोपमा युवक पक्राउ

२१ चैत, काठमाडौं । कारागार चलान भएका कैदीबन्दी छुटाइदिन्छु भन्दै करिब १० लाख रुपैयाँ लिएर ठगी गरेको आरोपमा एक जना पक्राउ परेका छन् ।

पक्राउ पर्नेमा धादिङको सिध्दलेक गाउँपालिका–७ घर भइ काठमाडौं कलंकी बस्दै आएका ३७ वर्षीय शिशिरकुमार भट्ट छन् ।

काठमाडौं उपत्यका अपराध अनुसन्धान कार्यालयको टोलीले उनलाई मंगलबार माइतीघर मण्डलाबाट पक्राउ गरेको हो ।

उनले वैदेशिक रोगजारीको कसुरमा डिल्लीबजार कारागार चलान भएका एक कैदीबन्दीलाई छुटाइदिन्छु भन्दै ९ लाख ८० हजार रुपैयाँ लिएर ठगी गरको आरोप छ ।

पक्राउ परेका भट्टराई कारबाहीका लागि जिल्ला प्रहरी परिसर काठमाडौं पठाइएको अपराध अनुसन्धान कार्यालयका एसपी तथा प्रवक्ता नकुल पोखरेलले बताए ।